28.05.2012, NEWS.am. Հայտարարվել է Օձունի վանքի վերականգնման մրցույթի հաղթողըNEWS.am - http://news.am/arm/news/107189.html Օձունի Սուրբ Մարիամ Աստվածածին եկեղեցու վերականգնումը կիրականացնի «ԼեւԳուգ» ՓԲԸ-ն: Մրցույթի հաղթողը պարտավորվում է ավարտել V-VII դարերի հայ ճարտարապետության մարգարիտի նորոգումն ու վերականգնումը երեք տարվա ընթացքում: Նախագծի արժեքը կազմում է 320 մլն դրամ: Սույն թվականի մարտի 27-ին հայտարարված մրցույթին մասնակցեցին 8 հայկական շինարարական ընկերություններ: Մրցութային հանձնաժողովը, որի կազմում ընդգրկված են Հայ Առաքելական եկեղեցու, ՀՀ մշակույթի նախարարության եւ «Հովհաննես Իմաստասեր Կաթողիկոս Օձնեցի» բարեգործական հիմնադրամի ներկայացուցիչները, երեք փուլերի ընթացքում քննարկելով հայտերը, ընտրեց երկու հավակնորդի: «Հովհաննես Իմաստասեր Կաթողիկոս Օձնեցի» բարեգործական հիմնադրամի հոգաբարձուների խորհուրդը լավագույնը համարել է «ԼեւԳուգ» ՓԲԸ առաջարկությունը: Սուրբ Մարիամ Աստվածածին եկեղեցու վերականգնումը կսկսվի շինարարական աշխատանքների կատարման թույլատրություն ստանալուց հետո: Այդ ժամանակացույցի պահպանումը եւ աշխատանքի որակը վերահսկելու է համատեղ իրազեկ հանձնաժողովը, հեղինակային վերահսկողությունը դրված է նախագծի կազմողների վրա: Արդեն ստորագրված է պայմանագիր տեխնիկական վերահսկողությունն իրականացնող մասնագետների հետ: Օձունի Սուրբ Մարիամ Աստվածածնի եկեղեցու վերականգնման ծրագրի իրականացումը կդառնա պետության եւ մասնավոր բիզնեսի համագործակցության անդրանիկ օրինակը: Վերանորոգողները պարտավորվում են վերականգնել իրենց հանձնարարված շինությունը` խստագույնս համաձայն գիտականորեն հիմնավորված նախագծի:
|
|
Շարունակվում է Օձունի տաճարի վերականգնումը. ՏԵՍԱՆՅՈՒԹ 
Ներկայացվել է Օձունի վանքի պատմության մասին ՏԵՍԱՆՅՈՒԹԸ 
Օձունի փրկության պատմություն. սրբավայրն այսօր. ՏԵՍԱՆՅՈՒԹ 
Օձունի փրկության պատմություն. կոթող-մահարձանի վերականգնում. ՏԵՍԱՆՅՈՒԹ 
Օձունի փրկության պատմություն. արժեքավոր գտածոներ. ՏԵՍԱՆՅՈՒԹ 