18.04.2012, Արմենպրես. Վտանգված հուշարձանների վերականգնման համար երկար ժամանակ կպահանջվիԱրմենպրես - http://armenpress.am/arm/news/688382/v-process-vosstanovleniya-pamyatnikov-istorii-i-kulturiy.html ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Հայաստանում կան առավել վտանգված 245 հուշարձաններ եւ նրանց վերականգնումը բավական երկար ժամանակ է պահանջում: Ինչպես հաղորդում է «Արմենպրես»-ը, ապրիլի 18-ին լրագրողների հետ հանդիպման ժամանակ այս մասին նշեց Մշակույթի նախարարության պատմամշակութային հուշարձանների պահպանության գործակալության պետ Սերժիկ Առաքելյանը: «Մենք, հուշարձանների կարեւորությունը գիտակցելով, փորձում ենք խնդրի լուծման ճանապարհներ գտնել, սակայն սա սովորական շենքի կառուցում չէ, այլ երկար ու մանրակրկիտ աշխատանք է պահանջում»,-բացատրեց Սերժիկ Առաքելյանը: Նրա խոսքով` մինչ վերականգնումը հարկավոր է անցկացնել մանրամասն ուսումնասիրություն: «Լինում են նաեւ դեպքեր, երբ աշխատանքներին մասնակցելու համար հրավիրում ենք արտերկրի մասնագետների»,-նշեց Առաքելյանը: Նա նշեց, որ եթե որեւէ մասնավոր ընկերություն կամ բարերար կարող է օժանդակել հուշարձաններից մեկի բարեկարգմանը, ապա Մշակույթի նախարարությունը կհամագործակցի նրա հետ տրամադրելով մասնագետներ` աշխատանքները իրականացնելու համար: «Նման համագործակցության շնորհիվ է այսօր բարեկարգվում Օձունի տաճարը եւ առաջիկայում եւս մի քանի հուշարձաններ»,-ասաց Առաքելյանը: |
|
03/12/2014 Restoration of the dome Odzun. picture story 
01.10.2013 During the renovation of the church Odzun were found valuable finds. Photo report 
21.03.2013, Առավոտ, «Չբացահայտված Օձուն» ֆիլմաշարը ցուցադրվել է Լոս Անջելեսում 
Renovation of Armenia’s Odzun church kicks off 
Holiday in Odzun 